Ofboðsleg veðurhæð á Vatnsskarðu Eystra

Rakst nú á veðurkorti Vegagerðarinnar þá hæstu vindatölu í þessu veðri.  Alla veganna þar sem fólk er á ferð.  Á leiðinni út á Borgarfjörð Eystri er farið um Vatnsskarð eystra sem að sumarlagi er með tignarlegri fjallvegum landsins.

Þarna blæs nú af SA 44 m/s í 10 mín. vindi.  Skarðið er þröngt og þekkt að bæði SA og NV áttir ná sér sérlega vel upp við þjóðveginn á þessum stað.  Þó ekki sé byljótt þarna við þessar aðstæður fara hviðurnar engu að síður yfir 50 m/s.  

Það þarf varla að tala fram að þessar veðuraðstæður eru beinlínis hættulega öllum þeim sem þarna kunna að vera á ferðinni og veðurhæðin er líkast til ekki enn búinn að ná hámarki þarna fyrir austan. 

Athugasemdir

[David Gudmundsson (IP-tala skráð) 30.12.2007 kl. 21:06]

Sæll Einar.

Veit ekki hvort mælirinn þarna í skarðinu er í lagi en þetta er alla vega magnað http://www.mbl.is/mm/frettir/innlent/2007/12/30/vindur_yfir_90_metrar_a_sekundu/

Takk fyrir frábæra síðu og gleðilegt ár.