Glæsileg mynd -hér í stærri upplausn

Ingibjörg Jónsdóttir er einkar fundvís á góðar tunglmyndir. (sjá síðu hennar, Hafís við Ísland).

Græn/rauða geislunarútgáfan er sérlega athyglisverð nú, bæði þegar þónokkur háfís er enn á sínum slóðum úti á Grænlandssundi og eins þegar snjór, jafnvel nýlegur snjór situr í fjöllum t.d. á N-verðum Vestfjörðum.

H ér er hins vegar ljósmyndin er betri upplausn.  Fjöldi veðurathugunarstöðva hefur gefið upp heiðríkju í dag og þokan sem var við Norðurland í morgun, hefur verið á hröðu undanhaldi.  Suðaustanlands hefur aftur á móti verið skýjað eins og sjá má og jafnvel úrkomuvottur. Yfir landinu er háþrýstingur og almennt  niðurstreymi lofts.  Einu bólstraskýin sem talandi er um að myndast hafi í sterku sólskininu yfir landinu má sjá á myndinni. Ógreinilega þó, en þau eru yfir Reykjanesfjallgarðinum.  Höfuðborgarbúar gátu lík séð þau með eigin augum.  Suðvestur af Hofsjökli virðast vera ský, en græn/rauða útgáfan sýnir svo ekki verður um villst að þar er á ferðinni snjór í "Hreppafjöllunum" 

Ísland séð utan úr geimi

Athugasemdir

[Steinar (IP-tala skráð) 12.6.2007 kl. 21:03]

Takk kærlega

[Einar Örn Ólafsson (IP-tala skráð) 12.6.2007 kl. 23:00]

Þessi mynd er nú ekkert slor heldur: http://veimages.gsfc.nasa.gov/16716/image02022004_lrg.jpg

Hægt er að geta sér til um það hvað klukkan er þegar þessi mynd er tekin ef maður skoðar skuggana sem falla á fjöllin.

Hvaða tíma dags haldið þið að þessi mynd sé tekin?

[Einar Sveinbjörnsson, 13.6.2007 kl. 08:26]

Þessi umrædda vetrarmynd frá 2004 er fræg Einar Örn ! Hún hefur farið víða um lendur netsins.  Maður þekkir hana á sveipnum út af Vestfjörðum.

ESv