Hlýindi í haust !

Þær veðurlagsspár sem eru aðgengilegar nú fyrir september til nóvember eru allar í sömu áttina:

a.  Frekar hýtt á landinu. 1-2°C yfir meðalagi, einkum norðvestantil og norðanlands. 50-70% líkur að það verði í hlýjasta lagi (80% eða í efsta fimmtungi)

b.   Fremur úrkomusamt verður um vestanvert landið miðað við meðaltal, en úrkoma í meðaltali eða þaðan af minna austan- og suðaustanlands. Meira um tilkomulítil, en rakaþrungin lægðardrög.

c.  Hærri þrýstingur yfir hafsvæðunum suðaustur af landinu og Skandinavíu.  Lægðagangur hér við land minni og ómerkilegri heilt yfir en annars hér á haustin.

d.  Ríkjandi vindar verða frekar S og SV á kostnað A- og NA-átta. 

 

Reikningar IRI  við Colombia háskólann í New York gefa svipaðar niðurstöðu, þ.e. að á Íslandi séu verulegar líkur á meðalhita þessa mánuði í efsta þriðjungi. Breska Veðurstofan gerir ráð fyrir nokkuð stöðugu veðri á Bretlandseyjum með minni úrkomu en í venjulegu árferði, í samræmi við  háþrýsting að jafnaði þar og norður á okkar slóðir.  

Horfur um veður í sumar gengu ótrúlega vel eftir.  Við sjáum hins vegar til með haustið.

Athugasemdir

[Sigurjón, 3.9.2008 kl. 01:36]

Þakka þér fyrir þetta Einar.

Það er gott að heyra að það verði ekki miklar líkur á hvössum vindi, eins og er stundum á haustin.  Ég man hvað síðasta haust var hryssingslegt og ætla ég að vona að það verði ekki endurtekið.

[Þorbjörn, 3.9.2008 kl. 08:52]

Betri gæti spáin varla verið fyrir okkur austlendinga.

Kannski ná snjóalög síðasta vetrar að bráðna álíka og síðustu ár, þrátt fyrir allt.

[Ketill Sigurjónsson, 3.9.2008 kl. 09:47]

Þessar fréttir glöddu mig. Þar sem ég hyggst vera í fríi hér á Klakanum goða allan sept. Ætli stefnan verði ekki m.a. tekin á Langasjó og Laka. Hvar ætli sé best að nálgast bláber a SA-landi?

[Veðurguðinn (IP-tala skráð) 3.9.2008 kl. 09:49]

Þetta eru góðar fréttir.  Þetta var svona haustin 1971, 1972, 1975, 1980, 1985, 1987, 1989 og 1990 man ég.  Einnig haustið 2002

[Magnús (IP-tala skráð) 3.9.2008 kl. 14:02]

Takk fyrir þetta! Gaman að fá svona langtíma spá. Vonaglaður taki nú haustinu mót... með regnhlíf.

[Kolbrún Baldursdóttir, 3.9.2008 kl. 19:26]

Í Ameríku á austurströndinni, Rhode Island og nærliggjandi fylki, kölluðum við þetta Indian summer þ.e. þegar svona hitabylgja kom að hausti.

[Sigurjón, 3.9.2008 kl. 20:28]

Var það sumsé í Bandafylkjunum?

[Kolbrún Baldursdóttir, 3.9.2008 kl. 20:32]

Akkúrat Sigurjón

[Gunnar Sæmundsson (IP-tala skráð) 3.9.2008 kl. 21:33]

Þakka þér fyrir Einar að gefa okkur þessar upplýsingar. Nú er bara að vona að þetta rætist. Haltu áfram að taka saman svona langtímaspár. þær eru forvitnilegar. 

[Haraldur Bjarnason, 3.9.2008 kl. 23:07]

Gott fram undan hér á Akureyri.

[Sigurður Þór Guðjónsson, 3.9.2008 kl. 23:26]

Góð haust eru silfri betri!

[Gylfi Björgvinsson, 5.9.2008 kl. 14:03]

Ekki amarlegt að fá svona spá eftir eitt frábærasta sumar sem umm getur Þökk sé þér Einar að miðla okkur af þinni þekkingu