Hlýtt á blettum, en ekki landshitamet enn !

Þegar þetta er skrifað og athuganir liggja fyrir kl. 07 hafa eftir eftirfarandi háar hitatölur komið fram:

• Skaftafell 14,0°C  um kl. 03.
• Reykir í Fnjóskadal 13,9°C  kl 06.

 

Á Vegagerðarstöðvunum sem sjá má slóðinni www.vegagerd.is  má finna enn hærri hitatölu

• Steinar undir Eyjafjöllum  ca. 15°C  kl.04.
• Lómagnúpur  ca. 13°C  kl.06.

Til viðbótar þessu hefur líka verið allhlýtt á Siglufirði og þar í grennd í morgun. 

Hlýja loftið sem er að finna uppi í um 1200-1500 metra hæð hefur sem sé náð niður í stutta stund á stöku stað, en víðast á landinu er hiti annars ekki nema 3 til 6°C.  Sérstaklega voru miklar sveiflur í Skaftafelli, því rétt áður en hitinn þar fór í 14° mældist hann ekki nema 1,9°C (skoðið hér sjálf).  Hitanum skolaði niður í einni NV-vindhviðu upp á þó ekki nema 11 m/s. 

Það vantar örlítið meiri upp á vindinn hlémegin fjalla til þess að komamestu hlýindunum niður til yfirborðs jarðar.   Það gæti svo sem enn átt eftir að gerast til hádegis.  Við fylgjumst áfram með !

Athugasemdir

[Júlíus Garðar Júlíusson, 24.1.2007 kl. 19:06]

Rétt fyrir hádegi var 10 - 11 stiga hiti á heimilismælinum og í bílnum hér á Dalvík, ég keyrði til Akureyrar um hádegið 45 km..og þar var 3 - 5 stiga hiti, mismunandi eftir stöðum... ég kom til Dalvíkuraftur um 13.30 þá var hitinn þar 9 - 10 stig.