Ísland-Spánn , veðurútlit

Samkvæmt öllum teiknum má gera ráð fyrir að úrkomusvæði með nokkuð ákveðinni rigningu fari yfir landið vestanvert í kvöld.  Spurningin er þá hvert verði líklegasta veðrið í Laugardal á meðan leik stendur frá kl. 20 til kl. 22.

Gera má ráð fyrir því að það rigni nokkuð hressilega í upphitun og framan af fyrri hálfleik, en síðan stytti upp og síðari hálfleikurinn fari fram að mestu í þurru veðri.  Skilin ganga yfir þarna á milli og framan af SA eða A-átt, dálítill strekkingur, en ekki alls ekki hvasst í Laugardalnum.  Síðan snýr hann sér í SV-átt um leið og styttir upp.

Það gæti því skipt máli hvernig liggur á krónunni þegar dómarinn kastar henni í upphafi leiks í kvöld og hvoru megin vallar liðin spila fyrri og seinni hálfleikinn. 

Ljósm: mbl/Golli 

 

Athugasemdir

[Þrándur (IP-tala skráð) 17.9.2007 kl. 22:35]

Þessi rigning var það besta sem íslendingar gátu fengið (látum hugsanlega vafasamt rautt spjald liggja á milli hluta).  Með vætutíð og veður líkt og það var á meðan leiknum stóð batnar frammistaða landsliðsins verulega, samanborið við önnur lið.