Straumar í Reykjafjarðarál bera ísinn nú inn á Húnaflóa

Ragnar Eiríksson er að velta upp þætti Reykjafjarðaráls í útbreiðslu hafíssins, það hafsvæði á utanverðum Húnaflóa var gert  að umtalsefni á dögunum. 

Hafískort (-mynd) Veðurstofunnar frá því í fyrradag (15. jan) sýnir einmitt glöggt tunguna sem liggur frá meginjaðrinum til suðurs.  Þetta er á slóðum Reykjafjarðaráls og nokkuð víst að straumar valda rekinu til suðurs frekar en vindurinn.

Annað kort tveimur dögum fyrr (13. jan) sýnir þetta kannski enn betur. Fróðlegt  væri að sjá hér álit þeirra sem þekkja til strauma á þessum slóðum og geta miðlað af reynslu til fyrri hafískoma á þessum slóðum.  

Athugasemdir

[Jón Þorsteinsson (IP-tala skráð) 18.1.2010 kl. 09:12]

Mjög athyglisvert. Þakka þér fyrir. Með beztu kveðju.

[kristján andri guðjónsson (IP-tala skráð) 19.1.2010 kl. 00:24]

sæl einar. Hef verið við veiðar í húnaflóa. í vestannverðum flóanum er nánast alltaf innstraumur frá hálfri mílu og upp í eina sjómílu á klukkustund eftir veðri.sérstaklega eftir að komið er innundir óðinsboða. vonandi skírir þetta eittkvað.kveðja frá ísafirði.