Lágský og suddi á Suðurlandi

Hálfgert Austfjarðaástand er nú á Suðurlandi.  Þrátt fyrir hagstæð ytri skilyrði, hlýindi í lofti og engin úrkomusvæði nærri landinu læðist lágskýjabreiðan af hafi og leggst yfir lágsveitir Suðurlands.  Þar er nú sums staðar lítilsháttar suddi og hitinn ekki nam um 9 til 10 stig.  Lágskýjabreiðan er að þessu sinni nokkuð þykk og fara þarf langt upp á suðurhálendið til að komast upp úr henni.

Erfitt er að spá í spilin á meðan vindur blæs ekki að ráði, en frekar er gert ráð fyrir því að það rofi til sunnanlands á morgun.

Athugasemdir

[Þorkell Guðbrandsson (IP-tala skráð) 7.7.2009 kl. 19:01]

Déskoti er mér, búsettum norðan heiða, illa við að áttin ætlar að leggjast í norðaustan og kulda með úrkomu í byrjun hundadaga. Það klikkar nú yfirleitt ekki að það veit á þannig tíð fram á höfuðdag a.m.k.

[Pálmi Freyr Óskarsson, 7.7.2009 kl. 20:28]

http://www.youtube.com/watch?v=IVqzWj7Oxc8